លុបបំបាត់ស្លាកស្នាមខ្មៅៗលើស្បែក ដោយប្រើទឹកក្រូចឆ្មារ
07-December-2015 | ដោយ មួយឡា
បញ្ហារបស់អ្នកមិនទាន់បញ្ចប់នៅឡើយទេ ទោះបីជាជំងឺមុនលើស្បែកបានបាត់ហើយក៏ដោយ។ ជាធម្មតា វានឹងបន្សល់ទុកនូវស្លាកស្នាមពណ៌ខ្មៅដែលអាចប៉ះពាល់ដល់រូបរាងខាងក្រៅរបស់អ្នកបាន។ ស្នាមខ្លះអាចនឹងបាត់ទៅវិញក្នុងរយៈពេលច្រើនថ្ងៃ ហើយខ្លះទៀតអាចនឹងនៅរហូតតែម្តង។ ខណៈពេលដែលអ្នកព្យាយាមលុបបំពាត់វាតាមរយៈការប្រើវិធីផាត់មុខនោះ តែវានៅតែមិនអាចបំបាត់បានទាំងស្រុងនោះទេ។
មិនខ្វល់ថាអ្នកប្រើអ្វីមកលាបលើស្បែក ឬចំណាយលុយច្រើនប៉ុនណាដើម្បីលុបបំបាត់ស្នាមលើស្បែកឡើយ ប៉ុន្តែអ្នកគួរតែប្រើវិធីសាស្ត្រមួយដែលមានគ្រឿងផ្សំធម្មតាៗវិញទៅ ព្រោះវាក៏អាចជួយលំបាត់ស្លាកស្នាមលើស្បែកបានល្អដែរ នោះគឺទឹកក្រូចឆ្មារ។
សារធាតុ Citric Acid ដែលមានក្នុងក្រូចឆ្មារមានតួនាទីជាភ្នាក់ងារធ្វើឱ្យស្បែកទៅជាស និងអាចជួយជម្រះស្នាមខ្មៅលើសម្លាកមុនបានទៀតផង។ អ្វីដែលសាមញ្ញនោះគឺថា អ្នកគ្រាន់តែយកទឹកក្រូចឆ្មារស្រស់ដោយជ្រលក់នឹងសម្លី ឬប្រើម្រាមដៃជ្រលក់ដើម្បីយកទៅដុះលើស្នាមខ្មៅៗនោះគឺជាការស្រេច ។ យកល្អគួរតែលាងសម្អាតមុខសិនមុននឹងធ្វើបែបនេះដើម្បីជម្រះ ភាពកខ្វក់ និងប្រេងចេញពីមុខសិន។
ក្រោយពីដុសខាត់ដោយក្រូចឆ្មាររួច ចូរទុកវាចោល១០នាទីសិន ចាំលាងជម្រះនឹងទឹកក្តៅឧណ្ហៗតាមក្រោយ។ ចូរធ្វើបែបនេះច្រើនដងក្នុងមួយថ្ងៃរហូតដល់ឃើញលទ្ធផល៕
ប្រភព៖ health
ចំនួនអ្នកទស្សនា
- ថ្ងៃនេះ6501
- ម្សិលមិញ12561
- សប្តាហ៍នេះ34451
- ខែនេះ56331
- ឆ្នាំនេះ56331
- សរុប20498787